សេអ៊ូល៖ ប្រធានាធិបតីកូរ៉េខាងត្បូង លោក Moon Jae-in ដែលផុតអាណត្តិបានស្នើឱ្យមេដឹកនាំកូរ៉េខាងជើង លោក Kim Jong Un រក្សាការប្តេជ្ញាចិត្តចំពោះកិច្ចសហប្រតិបត្តិការអន្តរកូរ៉េ ដោយនិយាយថា ការចាប់ផ្តើមកិច្ចសន្ទនាឡើងវិញនៅពេលនេះ គឺអាស្រ័យលើរដ្ឋាភិបាលថ្មីរបស់លោក Yoon Suk-yeol។

លោក Moon បានផ្ញើលិខិតមួយច្បាប់ទៅកាន់មេដឹកនាំកូរ៉េខាងជើង លោក Kim ដែលក្នុងនោះលោកបាននិយាយថា៖ «យុគសម័យនៃការប្រឈមមុខដាក់គ្នា» គួរតែបញ្ចប់ដោយការសន្ទនា ហើយបានបង្ហាញក្តីសង្ឃឹមសម្រាប់ការចាប់ផ្តើមឡើងវិញយ៉ាងឆាប់រហ័សនៃកិច្ចចរចាស្តីពីការរំសាយអាវុធនុយក្លេអ៊ែររវាងទីក្រុងព្យុងយ៉ាង និងទីក្រុងវ៉ាស៊ីនតោន។

គួរបញ្ជាក់ផងដែរថា លោក Yoon Suk-yeol ដែលជាអតីតព្រះរាជអាជ្ញា និងមេធាវីបានឈ្នះឆ្នោតជាប្រធានាធិបតីកូរ៉េខាងត្បូងថ្មី ដើម្បីជំនួសតំណែងរបស់លោក Moon Jae-in ដែលផុតអាណត្តិនោះ។ ប្រធានាធិបតីជាប់ឆ្នោតកូរ៉េខាងត្បូង ធ្លាប់បានសន្យាអនុវត្តគោលនយោបាយជាច្រើន ដែលខ្លួនបានផ្សព្វផ្សាយក្នុងអំឡុងពេលឃោសនាបោះឆ្នោត ក្នុងនោះមានដូចជា ការកែលម្អជីវភាពប្រជាជន ការកែលម្អប្រជាជន ដោះស្រាយជំងឺកូវីដ-១៩ និងបញ្ហាផ្សេងទៀត៕